BB ServiceSystem er miljøsertifisert

BB ServiceSystem er no miljøsertifisert etter standarden ISO 14001. Selskapet fekk sertifikatet 16. april 2008, og det gjeld fram til 16. april 2011.

I sertifiseringsprosessen har BB ServiceSystem hatt Moody International Certification AS som samarbeidspartnar gjennom NHO Service.

ISO 14001 er ein internasjonal standard for miljøstyring som er basert på konsepta kontinuerleg forbetring og overhalding av regelverk. Standarden inneheld nøkkelelement for effektiv miljøstyring, og den set krav til fastsette miljømål og til system som kan bidra til å nå måla.

BB ServiceSystem har lagt mykje arbeid i søknaden om miljøsertifisering, som er ført i pennen av husøkonom Hanne Grande Loen. Selskapet har fått god hjelp av NHO Service i prosessen.

BB ServiceSystem sine miljømål er å ha fokus på kjeldesortering, retur av emballasje, eingangsartiklar og resirkulering. - Vi har gjort miljøsertifiseringa for å imøtekomme framtidige krav frå kundane våre, og vi håpar at sertifiseringa vil vere ein konkurransefordel for oss, seier dagleg leiar Marianne Ullaland Knapstad.