Skal klargjere bussar i Stryn

Bussprodusenten Vest-Busscar Stryn har inngått avtale med BB ServiceSystem om reinhald av fabrikken sin i Stryn. Ein stor del av kontrakten gjeld klargjering av nye bussar før levering. I avtalen ligg også vask av arbeidstøy og sal av arbeidstøy og verneutstyr. Kontrakten tar til å gjelde i november 2007 og går i to år framover.

BB Gruppen har gjennomført ei omorganisering som gjer at reinhaldsavdelinga i Nordfjord er overflytta til BB ServiceSystem. Avdelinga omfattar tolv tilsette som jobbar i Måløy, i Stryn og på Nordfjordeid.