Fleire tar fagbrev - mange på datakurs
(24.02.2010) BB ServiceSystem har no ca. 20 medarbeidarar med fagbrev som reinhaldsoperatør. Det er ein ganske stor del av dei vel 100 tilsette i selskapet. Fem medarbeidarar ved avdelinga i Førde har i 2010 avlagt teorieksamen, og tre av dei går opp til fagprøve i haust.
BB ServiceSystem driv også mykje med internopplæring og oppdateringskurs på reinhald. Selskapet har kurs på dette fagområdet både våren og hausten 2010.
19 tilsette ved avdelinga i Florø deltar hausten 2010 på datakurs med støtte frå Vox-ordninga. Dette er kurs som Florø Industri- og Næringsforening arrangerer i samarbeid med Flora vidaregåande skule. 25 tilsette frå BB Tekstilservice er med på same kursa.
BB ServiceSystem har ei rekke dyktige damer frå Polen og Estland som er etablerte med familiar i Sunnfjord og som har jobba i BB ServiceSystem ei tid.
